أنـــــا والزمن والحب !!!

افزعيلي يالقصيدة..وافزعيلـي ياللحـون رددي بيـت شعـري.. قبـل مــا اردده

وش تفيد الهـداوة وش يفيـد السكـون دام بركـان صـدري ثـايـرن بلـهـده

مانظمتـك هوايةمـا عشقتـك جـنـون كاسبك مثل مكسب من كسـب فـي يـدة

ذاخـرك للمشاكـل ذاخــرك للغـبـون ذاخرك وسـط قلـبٍ مـا يغيـب انكـده

لا تبور البضاعـة فـي عيـون الزبـون نقحيها يا هجوسـي.. مفـرده ..مفـرده

كنت اقـول الليالـي طبعهـا مـا يخـون كنـت اقـول المراجـل بالفتـى وجهـده

كنت اقـول المعـزة عـزّ نفسـك تكـون دام مـوت الخلايـق كـل نفـسٍ تـارده

شفت للطيب ناسٍ ما حسبو وش يخسرون وارثه من فعل ابـوه ورّث الفعـل ولـده

والردى شفته بناسٍ ياكلـون ويجحـدون لعنبو راع المصالـح كـل شـيٍ يفسـده

كل يوم وله صحيب ويتلون بألـف لـون مبدأه في مكسبه وصحبتـه فـي مقصـده

واكبر انواع المصايب واعظم انوع الطعون لا قضى عمرك تنـازل للرفيـق ويجحـده

لو يهون الكون كله والله اني مـا اهـون عزتي هي راس مالي ياعبيـد الارصـده

ماسباني غير نظرة من هدب ذيك العيـون عقبها صرت الاسير ويا عسانـي مافقـده

حلوة روحه وحبه ما تجي فيـه الظنـون امتلكني ملـك فردي..سيّـد مـع سيّـده

اثر عطر السحايب ما يجيـب الا المـزون روّحي بي ياسحابة وامطـري بـي ببلـده

اعرفه واعرف حنانه اكبر عيوبه حنـون واعرف اللي يزعله..واعرف اللي يسعـده

كيف ترواه المشاعر كيف تشبعه الشجون دام حبه فـي خفوقـي سـاريٍ بـالاورده

لو رقد في وسط عيني لو تلحف بالجفـون جعل ربي يحرسـه مـن عيـونٍ تحسـده

ما عشقت الا الفريدة والمراجل واللحـون والنشااامى وطيبي من عرفنـي ماجحـده